阿Sa嫌煩拒講男友
Twins昨日出席活動時，蔡卓妍（阿Sa）不悅地避談男友陳偉霆（William），對記者連日有關男友的提問感到厭煩！而鍾欣桐（阿嬌）fans昨日則在網上鬧爆William於前晚於電台頒獎禮上，為護女友免受煙花所害，一手推開阿嬌，非常冇品！
Twins昨日替大型唱片店剪綵，吸引百名fans到場支持，場面混亂。她們即場獲贈VIP折扣卡，即賣口乖表示會常常「幫襯」買劇集、電影回家煲碟，問阿Sa是否與男友William一同欣賞，她即不悅問：「點解成日提佢？（佢尋日（前日）話做完嘢會同你撐枱腳！）唔好講呢啲！」她全程不願回應有關男友的問題，問她為何突然避談男友，阿Sa說：「日日都問，唔想講！」拍檔阿嬌即說：「唔該理吓我感受，我成日企喺度冇嘢講！」
阿嬌代平反
問到有傳張栢芝「養鬼仔」以助離婚，她們表示不太懂，亦不應回應。再問有否聯絡謝霆鋒，阿Sa說：「我哋連自己都關心唔嚟！好忙，因為聽日（今天）就要為8、9月嘅演唱會排練，（點減壓？）逆來順受。」
此外，昨日有網友在微博炮轟William於前晚電台頒獎禮上，為保護女友阿Sa不被煙花灑中，竟用手推開阿嬌！William於電話中回應說：「我係驚有意外，唔想有任何人受傷，所以下意識去擋，當我發現佢哋冇事，已經即刻縮手，我唔會推人，希望大家明白。」而阿嬌亦在電話中為William解釋，指他沒有觸碰二人，只是大家錯覺。
怕掀起吵架
頒獎禮上，來自台灣的LOLLIPOP F一邊唱情歌一邊向台下的歌手派紅玫瑰，團長敖犬一支箭衝向Twins獻花，他事後表示：「我送給阿嬌，但準備要送阿Sa的時候，發現她陳偉霆在附近，好怕送了以後他們會吵架！後來還是送了，（陳偉霆怒視你？）沒有看他，我逃避他的眼神！」
文：音樂組