Jeana拒證22歲
被傳年齡報細數的o靚模何佩瑜（Jeana），昨日出席活動被追問時一改平日寸嘴作風，對於死敵許穎（Phoebe）晒身份證以證年齡，Jeana說：「依家唔係路障查牌，遲啲會考車牌，到時考到畀大家睇就知。（你今年幾歲？）22歲，唔知點解話我31歲，不過好彩係話我31而唔係13歲，否則無得拎政府派嗰六千元。」
至於為何收口變得低調及不澄清，Jeana死撐絕非逃避：「澄清只係一時，唔可以每日都喺度澄清。（但你無拎任何證明？）唔需要咁介意人哋點講，唔想有咩就影響咗我去做啲不必要嘢。（Phoebe做不必要嘅嘢？）我唔講喇，同佢又唔係熟。（你平時好牙尖嘴利o架？）我只係對事不對人，我個世界唔係得佢哋。（叫公司幫你發聲明？）呢樣可以傾吓。」