樂基兒暴肥11磅明年做媽媽

黎明嫂樂基兒（Gaile）昨日一身飄逸打扮出席I.T旗下品牌Tsumori Chisato的2011秋冬時裝騷。大會安排了Gaile在完騷時拖着小朋友出場，可是小朋友扭計不肯行，Gaile只好自己完成catwalk。

樂基兒坦言已開始想生BB的事。	樂基兒肚凸凸，似足懷有身孕。	黎明與樂基兒婚後屢傳有喜。（資料圖片）

美國數月狂食

久未露面的Gaile容光煥發，身材亦明顯比前豐腴，肚凸凸孕味甚濃。她表示早前返了美國，但就不肯透露老公黎明可有過去跟她會合。Gaile說：「之前去咗美國幾個月，因為妹妹高中畢業，今次同屋企人一齊好開心，食咗好多嘢。（有冇肥到？）肥咗5kg（約11磅），我唔打算減，開心就得，依家冇行騷好難減番以前嘅身形，同埋自己年紀大啲唔需要咁瘦。（黎明鍾意你肥定瘦？）佢冇所謂，最緊要健康同開心。」

問到Gaile何時生BB？她說：「會諗，一步一步嚟。（係咪諗住肥啲留番啲營養畀BB？）生BB前反而要減咗肥先，如果唔係生完會好難減。（你Ready未？）未，差唔多啩。」

「我好誠實」

對於日前有報道指她生不到BB，Gaile直指報道刻薄，她說：「唔知點講，都未開始嘗試（造人），要咁寫都冇辦法，一時話我生唔到，一時又話我大肚，唔識我嘅人寫啲從來都未發生嘅嘢，都幾刻薄。」Gaile透露黎明並沒有將報道放在心上。

問到生B是否有很大壓力？Gaile說：「唔會有壓力，都未嘗試，如果有BB我會講，我好誠實。（心唔心急？）唔心急，我可以等多一、兩年。」此外，黎明昨晚與周杰倫到澳門為內地歌唱家陳思思擔任演唱會嘉賓。

文：名人組