吳若希遭勒索5千：「放馬過嚟」
女歌手吳若希（Jinny）近日慘遭博友威脅及勒索，對方自稱擁有毀她前途的爆炸性醜聞，更要求Jinny付五千元「掩口費」，如日內未收到款項即向各大傳媒爆大鑊，向來潔身自愛的乖乖女Jinny坦言行得正、企得正，並說：「盡情報料，最緊要攞出證據，唔好齋吹（指空口講白話）。」
博友化名為「黑妹」於8月2及3日在微博個人網誌留言，先要求Jinny關注他，慘食檸檬的「黑妹」再發功威脅：「你咁樣一直唔應我，只會令其他人知道你嘅嘢咋。」接住又寫：「如果聽日你再唔覆我，咁我就會話畀其他人聽。」最後勒索說：「你嘅前途唔只5XXX。」佛都有火的Jinny終回覆說：「你快點去報料，看看你的料子堅還是我的事實硬。」
老闆急召開會
Jinny昨日被老闆何哲圖急召返公司開會，她坦言沒得罪人：「依家係威脅同刑事。（報警？）畀個機會佢，如果再有進一步行動，一定會報警。（唔驚佢真係有料爆？）放馬過嚟囉。」Jinny更透露近年亦收到不少性騷擾電話，令她不勝其煩。
文：音樂組