黃智雯擴充家業做老闆

無綫藝員黃智雯（Mandy）早前女承母業開美容店一嘗當老闆滋味，原來黃母早年已搞美容產品生意，近日Mandy母親更擴充業務，孝順女的Mandy便趁機入股齊齊拍住上，早前為新店進行剪綵，好朋友趙希洛專程來撐場支持。Mandy表示：「我媽咪之前開咗間美容同香薰產品舖頭，已經做咗18年啦，一直希望開一間屬於自己的店舖，媽咪決定搬嚟灣仔開新舖擴充，咁我當然第一個支持啦！」而Mandy特別訂造一個用Cup Cake砌成的蛋糕，並寫上「18」來賀媽咪生意「實發」，心思十足。