林熹瞳：最重要有人記得

「怪談女」林熹瞳早前升格做策劃總監，但她澄清不是榮升做老闆娘，強調不會只做幕後，仍然喜歡幕前工作做演員，她說︰「我會雙線發展，自己之前讀演藝出身，唔想浪費呢方面嘅才能，因為我鍾意做演員，加上女仔唔等得，所以我要主動出擊！」

嫌o靚模濫騷胸

Rachel希望現階段撇甩主持形象，她說︰「好多人都覺得我只係一個主持，但我想多方面發展，做一個專業演員先係我目標，咩角色其實唔重要，最重要係有人記得，需要一個機會。依家雖然做埋幕後參與製作，但我嘅工作唔會離開演技，主力電影同舞台劇，唔參與演出都會畀Idea。」

擁有豐滿上圍的Rachel不介意騷事業線，但稱見好就收。

Rachel在舞台劇曾有大膽的嘗試。

問踩入幕後會否減少性感？她說︰「依家個市場需要性感，但事業線都睇咗好耐啦，我都有啲嫌多，唔需要好似o靚模咁成日騷畀人睇。」

捧女着重演技

幕後製作、演員兩邊走，Rachel為理想不怕辛苦，但她指現階段不會發掘新人，她說︰「其實有諗過做唔做埋簽新人，但依家未係時候，如果簽都未必會簽o靚模，反而想着重演技。（新人行性感？）睇情況啦，咁又唔會吓吓都走去露，露得多唔矜貴！」

文︰專案組　攝︰鄭家俊

場地及服裝︰iPOSH