朱凱婷為囡囡長線投資
前港姐朱凱婷（Heidi）懷孕四個多月，已得知腹中BB的性別是女，並已將全副精神放她身上，Heidi說：「我依家好少買衫，連睇袋嘅意欲都減低埋，我同老公每次行街都係去睇BB衫，準備幫囡囡扮靚靚。」
最近有不少贊助商向Heidi招手，她笑言可以省回一筆：「有啲BB用品嘅贊助，但最特別係臍帶血庫，未知細節，但即使無贊助我都會做，呢樣係為BB將來打算。」Heidi並已購入股票當作利是送給女兒，她笑說：「呢期股市好動盪，但唔緊要，部分係用作長線投資，送畀囡囡將來讀書或嫁妝。」問到是否已幫囡囡改名？她說：「仲未，我準備改英文名，但仲諗緊，反而中文名唔使太急，等佢出咗世先改。」