Amanda S.讚煮飯公嫁得過

Amanda S.終於圓夢，昨日以老闆娘身份為傳統法式甜品店petite Amanda剪綵，其母及未婚夫Christian也現身撐場。性感贈興的她與Christian形影不離，恩愛地咀足四次，煙韌爆燈。

最希望日日清

接受訪問時Amanda說大日子當前，心情分外開心，為了開店，六年前她開始學整餅，開業前她與師傅更一起受訓了兩個月。今次投資了七位數字，但有幾位曾經營這些生意的夥伴扶持她，但她不肯透露自己的淨投資額，對回本卻信心十足：「近排生意好好，日日賣晒，如果日日都係咁就好快回本。（日日睇舖做生招牌？）係！我朝早喺廚房，之後出舖，lunch time特別忙，因為搵唔到多啲女店員，所以要自己睇住。」她笑言有市民不是來幫襯而是專登（目及）她：「有啲嚟只係問我可唔可以影相，有啲問都唔問就係咁影。」

Amanda與未婚夫Christian熱情咀嘴，連媽咪也來撐場。	放大圖片	Amanda與未婚夫（右）及拍檔為新店開張舉杯。

無意分薄「BB」

Amanda計劃先做好首間甜品店才打算開分店：「就算係都係開多間，呢個係我BB，我唔想搞咁多，分薄咗！（未婚夫點支持？）佢好好，好過以前好多。佢見我咁忙，返到屋企好攰就煮埋飯畀我食，真係好sweet！lunch time佢仲會嚟探我，朝早都沖埋咖啡畀我。（加分？）當然加分，依家肯定嫁得過。（點獎勵未婚夫？）我會愛佢更多。（幾時生BB？）希望出年。」

文：名人組