李亞男唔慣公開咀祖藍

雖然是華裔小姐冠軍，但李亞男未與祖藍拍拖前還未廣為人識，反而「長短腳之戀」後即人氣急升，她笑說：「真係多咗人識我，依家喺街度成日畀人讚，話係祖藍嘅索爆女友。」她直言不介意祖藍愈來愈紅，即使沒時間陪伴亦無所謂：「我唔會投訴，佢知我好體貼，我哋仲識搵時間拍拖，有時喺電視城撞到咪一齊去canteen食餐飯，一樣咁開心。」

王祖藍	亞男自認是體貼女友，即使男友忙到日夜顛倒無時間相陪，她亦不會有投訴。

祖藍曾爆響口指亞男不願嫁，亞男笑着否認：「佢都冇求過婚，如果真係求先再考慮啦。（係咪要努力儲錢？）唔使！大家拍得拖，都希望可以行到呢一步。」

分享信仰

李亞男早前獲男友邀請，為《王祖藍咪咁扮嘢演嘢會》擔任嘉賓，並會有「二級」難度演出，亞男坦言好尷尬：「要做巴黎鐵塔反轉再反轉呢場經典接吻場面，對我嚟講有啲難度，我會怕羞，覺得呢啲嘢要喺結婚後先做，唔係咁公開畀觀眾睇。但後來諗通咗，我哋都係為咗傳福音，分享信仰啫，唔應該介意太多。」

另外，李亞男最近忙拍新劇《ATF反恐》，飾演情報分析員，由於有好多專業對白，令她與同是鬼聲鬼氣的陳茵媺鬧出不少笑話，她笑說：「茵媺係我上司，我哋要背好多對白，幾辛苦，成日要問同劇演員陳展鵬、黎諾懿我哋發音準唔準，擔心唔夠說服力！」

攝：秦健輝

服裝：iiJin

髮型：Ted Yeung

文：專案組