劉俐：我私生活正常

陳偉霆（William）、洪卓立、組合草蜢、「藍莓」劉俐及一眾藝人前晚出席活動，載歌載舞，而林夏薇於跳舞環節中似乎過於專注，以致不慎露底亦懵然不知。

陳偉霆載歌載舞，演出投入。	蘇志威（左起）表示暫時未有追仔大計，現正與蔡一傑及蔡一智積極籌備即將舉行的演唱會。	古巨基（左起）、陳偉霆、林欣彤、泳兒與洪卓立齊齊出席活動表演。

對於有報道藍莓流出自己的多張「慾照」，她作出澄清謂：「嗰啲都已經係舊相，有啲亦都係私生活中好正常嘅相，（床照？）呢個係兩年前同女仔朋友去深圳揼骨時影。」

而組合草蜢成員蘇志威被問及老婆是否再度懷孕以「箍實」自己，他即笑言：「仲有人問？我冇嘢回應，都冇啲咁嘅事！」而對於有指他花弗等報道，他亦只能無奈回應：「雜誌上寫嘅佢（自己），我都幫佢唔到！（會唔會追番個仔？）未有計劃，依家有好多嘢做。」

洪卓立家輝鬥戲

另外，同場的William表示剛於內蒙拍戲回來，又透露自己於當地拍攝首日已被真正的摔跤手摔至扭傷背，同時他又表示將赴日本穿上相撲手服飾拍攝打戲，那豈不是要露股？他就有意找替身上陣：「我個pat pat又唔係靚過人，都唔想露太多，（女朋友蔡卓妍唔畀？）佢冇呀，因為佢都唔知！」而洪卓立就表示現與張家輝拍攝電影：「雖然導演話我個角色係戲入面最陽光嗰個，但因為拍攝氣氛太沉重，我都唔敢同對手Janice Man傾偈。」

文：影視組