鍾采羲爆Jeana全身改造
「爆E超蓮」鍾采羲（Iris）與「混血E神」林宜芝（Monna）前晚出席寫真集簽名會，Iris一輪嘴寸爆寸嘴Jeana，指對方由頭到腳都是僭建：「我知佢之前做美容公司代言人係宣傳整容同隆胸，有人話我知，仲畀我睇佢以前未整嘅相，你哋可以上網睇番，觀眾眼睛係雪亮。聽講佢眼、耳、口、鼻同身材都有整。」
Iris坦言若然Jeana想還自己清白，願意陪她搵醫生檢驗：「唔想好似屈佢咁。（你咁講，唔怕Jeana咬住你唔放?）唔關我事，我都係聽人講，我覺得傳媒係有知情權！」此外，她亦表示自己也有衝動整容，不過覺得身體髮膚受諸父母，要先得到父母同意。