楊采妮獨攬母親珍藏
楊采妮（Charlie）昨日為美鑽品牌Forevermark所舉行的網上承諾分享招募活動，主持啟動儀式。Charlie表示從來不覺得承諾是沉重的事：「反而覺得承諾畀到我希望，令自己有決心並會推動去做好一件事，我嘅承諾係令人開心，自己亦會變得開心。聽過感動嘅承諾係媽咪講嘅，佢話『無論發生乜事，媽咪都喺身邊』，所以我由細到大都唔驚，好有力量。」
Charlie又透露希望年尾去心靈之旅：「每年都會獨自去旅行一次，想去有海嘅地方，親近大自然，可減壓及釋放自己。 」Charlie表示初入行出席活動時，媽咪會借首飾給她佩戴，亦因此發覺媽咪有好多珍藏，至於睇中哪件做嫁妝？她笑說：「全部係我，一路接收緊，得我一個女。」