汪圓圓搵啱即嫁恨早生仔
模特兒汪圓圓及Ana R.昨日出席《新城市廣場史諾比婚紗藝術展》，更即場展示史諾比婚紗。
與「玩具大王」兒子蔡加讚蜜運半年的圓圓，被問到穿上婚紗會否分外充滿憧憬？她坦言：「啱啱先拍拖，冇諗得咁快。（每次拍拖都視對方為結婚對象？）每次拍拖都好認真，將來都想結婚生BB，因為我都好相信婚姻同家庭。（幾時結婚？）搵啱人同啱時機，都想做個後生嘅媽咪。（同加讚有冇傾過結婚？）冇講過，依家已經幾開心。」但她強調自己還年輕，希望於事業上拚搏。
目前仍然單身的Ana，笑言每次穿上婚紗，都有想哭的感覺，很希望有男伴在自己的身邊。