Lucas生日拉姑栢芝碰頭
張栢芝好友化妝師Rick Chin出席活動，有傳栢芝唔肯簽字離婚，他表示未有聽聞：「呢樣要問番佢，我個心梗係想佢哋一齊番，我都想佢個心同我嘅心一樣，但唔係㗎嘛。」
有份幫栢芝湊仔的Rick，踢爆Lucas返暑期playgroup，遲些就要收拾心情準備開學，他跟栢芝經理人正忙於安排Lucas下月2日的生日會，他說：「都要分配好時間，栢芝好開心攞到假返嚟慶祝。（跟霆鋒分上下半場？）應該唔會，霆鋒嗰邊未知點安排，希望可以一齊囉，安排得完善啲，總之小朋友生日都會開心為主。」問會否邀請謝賢和狄波拉出席？他說：「要要要，不過未打電話。（邊個搵拉姑、四哥？）大家一齊夾。」