DaDa趙碩之拒換Cheap寫真
今年書展寫真戰非常激烈，寸嘴o靚模何佩瑜（Jeana）不時四圍辣火頭。昨日慘被Jeana針對的陳靜與趙碩之趁書展最後一日，實行唱雙簧向Jeana還擊！DaDa指Jeana講嘢唔經大腦，說話傷人，趙碩之則嫌Jeana的「一蚊雞」寫真好Cheap，拒絕交換寫真。
擁33D上圍的陳靜（DaDa）和36D趙碩之（Wylie）組成「D Cup聯盟」，昨日到土瓜灣舉行記者會交換寫真集，兩女均穿低胸裝示人，「聯合導彈」轟炸死對頭Jeana。Wylie表示與DaDa的寫真有不少共通點，例如同樣在上海拍攝，故交換寫真互相研究。
否認專登對抗
問到是否聯手抗衡對頭Jeana及Hidy（余曉彤）﹖DaDa說：「唔係專登搞對抗，今日係書展最後一日，希望人人開心。（叫對方收聲？）把口生喺佢度，係佢個人嘅自由。」Wylie被問可會與Jeana交換寫真？她謂：「唔會喇！冇需要換囉！都唔係等價交換！我本又送DVD、頁數又多，真係好抵買，好似佢嗰本團購只係一蚊喎。」
講嘢唔經大腦
今年書展告一段落，問Wylie可希望明年少點是非﹖她說：「唔同人有唔同嘅宣傳策略，呢啲係新人嘅宣傳方法，不過我出年都應該唔出寫真，希望搞唔到我啦。」那麼DaDa又可擔心Jeana轉為針對她﹖DaDa說：「我又唔覺得佢係是非精，佢都係為咗宣傳寫真啫，但係我都好好佩服佢嘅勇氣，佢啲說話都幾傷害人o架，都唔經大腦去講，應該分析多啲，遲啲就唔會係咁。」
文：影視組