玻璃碎射爆眼角 陳展鵬槍戰險盲
陳展鵬日前拍攝一場槍戰戲，被強化玻璃彈至眼角流血，險些眼盲。他坦言因此而留有陰影，之後還有很多危險動作場面要拍攝，要格外小心。
無綫藝人陳展鵬於《真相》一劇中演出備受讚賞，人氣急升，日前他於沙頭角為劇集《ATF反恐》拍攝一場槍戰戲時，衝入車廂期間，被引爆的強化玻璃碎彈向眼角，當場流血，現場工作人員見狀甚為緊張，武師亦即時為他急救，幸好玻璃碎片沒有入眼，亦不用入院縫針。
展鵬昨日於電話中表示於此劇中都有不少動作場口，損傷在所難免，他謂：「拍親動作片事前都要做好多準備，呢套劇動作真係好多，直至現時為止，自己都可以應付到，不過之後都有天台跳天台同埋喺高速公路捐車底嘅危險動作戲份，都有壓力。」
不問戲份多少
問他會否因今次受傷而留下陰影？
他謂：「都有啲，今次如果落少少，玻璃入眼就大件事，以後小心啲，其實按掣引爆嗰位同事壓力仲大。」
記者說到之前吳卓羲拍這套劇集時都多次受傷時，展鵬謂：「係呀？大家都要小心啲。」
另外，之前有指展鵬於劇中戲份拍得住吳卓羲，對此展鵬謂：「戲份嘅嘢唔會計多定少，自己只會睇吓劇入面有冇發揮，最重要就係大家可以發揮到化學作用。」
文：影視組