楊崢讚Baby寫真靚
楊崢昨出席信德中心懷舊潮開幕禮，身穿旗袍的她凸顯東方美，她透露暫定年尾推出自己的飲食書籍，問到是否避o靚模？她立刻否認：「只係籌備唔切，本書都籌備咗年幾，我去咗世界十八個城市，訪問逾四十個米芝蓮星級大廚，試過一日搭八、九個小時車程，只係做一個訪問。」
問她對近日o靚模寫真戰的睇法？她說：「我覺得要以藝術同欣賞角度為先，唔係販賣色情。（o靚模過晒火位？）我真係冇睇佢哋啲寫真，不過我曾經睇過Angelababy本寫真真係好靚，好有藝術。」問到會否推出個人寫真集？她笑言無人問津：「但唔會去到賣性感。（底線係比堅尼？）唔會抗拒！」