蔡加讚緊張fans插圓圓
玩具大王蔡志明兒子蔡加讚前晚出席活動，透露自從搞鐘錶生意後，加上父親自小傳授鐘錶經，對鐘錶甚有興趣。至於會否送錶給女友汪圓圓，他說還未送，平時只送小禮物如頸鏈給對方，問到是否定情禮物，他說：「冇咁快，拍咗幾個月拖啫，送禮要有心思，佢咩都有，知佢喜歡鑽飾，所以要買嘅話都係買啲meaningful嘅鑽飾，唔係睇平或貴。（親手製花心思如下廚？）未，都會努力學。」
對於汪圓圓曾說蔡加讚fans說她不是，蔡加讚說：「暫時情況唔嚴重，將來如有唔好嘅說話我一定會講嘢，我唔想佢唔開心，都會好緊張佢感覺。（圓圓唔開心？）佢做得呢行都習慣，大家得啖笑。」