羽翹毛公仔變電話袋
不少女孩子常常收到毛公仔，但當毛公仔堆積如山，在家中再放置不下時都會萌生「揼又唔係，唔揼又唔係」的想法，歌手羽翹（Ava）亦遇上同樣情況，她說：「好多時fans都送毛公仔，擺滿晒間房，我又唔捨得揼，惟有花多啲心思，將毛公仔變成有用嘅物件。咁啱我床隔籬冇位放電話，我靈機一觸將個公仔剪開，再用扣針固定，變成一個袋形，倒吊掛喺床邊，臨瞓我就將部電話放入去，既環保又唔使嘥咗fans嘅錢，一舉兩得！」
身為「YouTube美容女王」的Ava自言除了毛公仔可DIY另有用途外，化妝品都可以用得環保：「有時啲人唔小心跌咗個粉餅落地之後會揼咗佢，因為覺得碎咗就冇用，其實可以將成個粉餅打爛成碎粉，再裝落碎粉盒用，咪唔使嘥囉！」
