梁佑嘉「泰」識食碟碟清
樂壇新人梁佑嘉（Abella）近日為巴士電視主持飲食節目，所以識飲識食的她特別為讀者介紹一間泰國餐廳。她說：「4月時同朋友仔去泰國旅行，叫到成枱都係，最後係我一個人清晒！大家都好驚訝我咁食得。」
Abella吃泰國菜必先點「泰式金邊粉」：「呢味菜最緊要甜酸平衡，呢間店用咗秘製醬汁去炒，甜、酸味啱啱好，因為夠醒胃，特別啱夏天食！」
第二道菜是「泰式生蝦兩食」，她說：「呢個好食在有兩種味，蝦頭炸香、蝦肉生食，我最鍾意蝦頭嘅膏，好香，因為油炸所以冇流失味道。」而第三道菜是「燒牛肉生菜包」，Abella表示牛肉是用上等澳洲肉眼，不過伴上的糯米飯才是好味所在：「糯米飯好多時都會一pat pat，但佢哋整得外脆內軟，口感好立體、好平衡。」
最後，Abella說食泰國菜口味重，最好送一杯冰凍可樂，咁就perfect！
場地：Nara Thai Restaurant（尖東）