張靚穎執生赤足獻sing

fans掌聲鼓勵

靚穎前晚到上海為飲品品牌做宣傳活動，身穿一襲背心短裙的她，穿上高跟鞋大晒美腿盡顯青春氣息，在台上又唱又跳，fing頭之餘，更不時丁字腳站在台上，完全進入忘我狀態。

未知是否興奮過度，腳踏高跟鞋的靚穎唱到高潮時突然仆低，雙腳即時跪在地上，場面十分尷尬。幸好她舞台經驗豐富，靚穎見自己仆得甚具美感，即時Chok住擺甫士扮冇事，繼而索性把高跟鞋脫下，一手拿咪，一手拎鞋繼續唱，fans見她執生功力如此爐火純青，立即報以掌聲鼓勵。

雖然曉得執生，但靚穎始終是舞台表演者，除了唱功都要紮穩下盤。上一次在廣州已遭「仆台」教訓，如今再仆一會，看來要練定紮馬，打穩「根基」。

成個人跪在台上，張靚穎仍表現鎮定。

識執生的張靚穎，除掉鞋子繼續表演。

文：專案組