李蘊生日開P選擇性請客
歌手李蘊（圖）聯同新人鍾一憲、麥貝夷等出席活動，問她在書展的寫真成績如何？她說：「頭兩日賣得好好，我好多fans年紀都輕，但因為我本書好健康，佢哋屋企人都接受到！」提到寸嘴𡃁模Jeana與其他𡃁模開戰，她立即與她劃清界線：「我唔喺佢哋入面，煩唔到我，（隔岸觀火？）唔係，我都冇拍手掌！」
問李蘊如何為自己造勢？她說：「我今個月27日生日，24日會搞生日會，希望請其他有出寫真嘅朋友嚟，（例如邊個？）趙碩之，我同佢幾friend，（咁即係同佢死敵Jeana對立？）唔係，我好有規矩、禮貌，（驚咗佢？）唔係。