陳靜趙碩之雙D合Big趕絕Jeana
同擁D Cup身材的陳靜（DaDa）與趙碩之，連日來遭寸嘴o靚模何佩瑜（Jeana）輪流踐踏，不甘示弱決定聯手反擊的兩女正式達成協議，於書展最後一天齊齊入場互相撐場，「雙D合Big」趕絕Jeana。
出位o靚模Jeana擁33C上圍，近期越「Cup」挑戰狂踩同期出寫真的DaDa及趙碩之，慘遭揶揄之下，昨日DaDa全公司姊妹群起反擊，矛頭直指Jeana！而DaDa更與趙碩之私下約定組成「D Cup聯盟」，於書展閉幕日（26日）雙雙入場互撐兼交換新書。
陳靜獲同門力撐
DaDa同門「爆E超蓮」Iris昨午率先在微博留言：「未到最後一刻也不知誰是贏家輸家，陳靜我哋撐你呀！」不久「E Cup教主」鄧伊玲亦加入戰團：「心地唔好嘅係唔會得到好結果。」師妹蔡瑩瑩亦激動地回應：「周圍辣火頭嘅人唔係叫寸嘴，呢啲係叫冇教養。」回應人數更不斷增加，李蘊亦表態支持。
記者致電趙碩之，問是否和DaDa聯手反擊？她說：「唔好咁講，呢個圈咁細，互相鼓勵係好事，地球係圓嘅，山水有相逢！」DaDa則說：「約趙碩之交換書，因為我真係覺得佢本書幾好，唔係離譜囉！」
Jeana昨日傍晚到旺角書店買黎耀祥的新書，問到被兩名死敵聯手對付時，她說：「我唔會踩人哋場，當日我會搞慶功宴，有得飲有得食，希望佢哋兩個會嚟，有威脅性嘅先會遭人對抗，咁仲開心啦！」而昨日Jeana與同門Hidy亦在微博上載打碟照片，為今晚的比堅尼宣傳作準備。
網上瘋傳走光片
另外，寸嘴Jeana亦慘遭網友瘋傳其走光片段。於今年四月播出、由張繼聰主持的《潮玩世家》第四集中，Jeana玩大富翁時忘形露點，她對此表示可能只是露乳貼。
文：影視組