陳慧琳淚撐再生勇士
近年書展淪為o靚模的寫真戰，為谷銷量各出奇謀，「峰峰乳乳」掩蓋不少值得一看的好書。昨日，陳慧琳（Kelly）親身到書展，出席一名患大腦麻痹症粉絲的新書推介會，Kelly在分享心底話時更激動得淚灑當場，天后之淚即時擊敗一班o靚模！
Kelly的一名忠實粉絲梁欣欣，是一名大腦麻痹症患者，去年獲選為「十大再生勇士」，欣欣的新書分享其曲折的成長路，偶像Kelly不僅為她撰寫序文，昨日更應邀出席其新書推介會以示支持。
一句說話精神支柱
會上Kelly透露與欣欣一直有書信往來，能夠為對方新書寫序也感開心，當Kelly談到得知欣欣想修讀設計課程時，開始忍不住嗚咽說：「我係讀設計出身，但怕畀咗錯誤影響佢，因為知佢連畫直線都有困難。」欣欣反過來安慰她：「我有準備紙巾畀你，但唔知放咗喺邊。」Kelly說：「我忍到。」場面溫馨好笑。
Kelly不諱言欣欣是她的驕傲，因為對方做任何事都比其他人難，但她從未有放棄，她說：「如果換轉係我，我已放棄。」說罷Kelly再也忍不住喊起來，並跟欣欣相擁一齊痛哭，Kelly還記得欣欣曾向她訴苦，但她勉勵對方不要放棄，她說：「我一句說話，佢就繼續支持落去。」
寫真集要家長指引
自嘲文筆差的Kelly暫沒想過出書，但有留意有關o靚模寫真集的報道：「睇報紙睇晒，最精彩、最具爭議性都睇咗，不過買得嘅都係成年人，有包書吖嘛，（冇包喎！）咁就要家長指引，老師都要幫手。」
文：音樂組