阿佘遭夾擊美腿抗峰殺
前晚佘詩曼以女主角身份出席新戲首映，卻遭楊梓瑤（Carol）及何佩瑜（Jeana）搶「峰」頭，前者以真空上陣，後者則大玩「孖bra」兼透點誘惑出位。
佘詩曼、方力申及羅仲謙等前晚出席新戲首映，阿佘悉心打扮以超短連身裙赴會，大騷誘人美腿，方力申亦以「青蜂俠」黑超Look現身，可惜風頭依然遭同場的「浸大E神」Carol及Jeana盡蓋。
日日谷胸腰痛
Carol與Jeana正面交「峰」，前者以真空配西裝外套，後者則戴「孖bra」力谷不倒胸，美中不足是驚現透點疑雲，問Carol與Jeana合照時有否感到遭胸壓，Carol竟笑言沒有感覺：「Feel唔到，仲有少少距離！其實我唔敢望佢，好大股殺氣！」至於戴孖Bra上陣的Jeana，則自爆其中一個bra鑲有閃石，問到日日谷胸會否很累？她笑言：「邊度都攰，腰骨都攰。」
恭喜舊愛娶妻
至於慘遭搶「峰」頭的阿佘，則淡定指自己不是走性感路線：「佢哋要賣書嘛！其實我唔知邊個着咩衫，各有各美態啦！」提到舊愛陳浩民結婚，阿佘大方表示兩人很合襯並已發短訊恭喜他：「我哋不嬲都有聯絡，等佢請我飲。（羨慕佢結婚？）大家追求嘅嘢唔同，我暫時未有對象。（佢奉子成婚？）唔知喎！係就恭喜佢！」
文：影視組