邪靈科學各有說法
對於有觀眾於克勤演唱會中拍到有長髮靈體一事，玄學界的司徒法正（右圖）表示在演唱會看到並非冇可能發生，他說：「電視台、演唱會呢啲娛樂地方會有靈界朋友出現，佢哋可能係路過或者喺呢度喪生，因為靈界朋友鍾意熱鬧地方，影到係唔出奇，但唔會咁多機會影到。不過見到唔需要驚，佢哋只係參與同八卦，冇危險嘅。」
而中大生物科學院客席教授曹宏威則表示相片中出現的長髮靈體有機會是相機造成的，他坦言不太相信撞鬼的說法，他說：「有機會係攝影過程中出現重疊，有乜出奇，我之前用相機影電視都有幾個影啦，加上場合都有女仔，我就覺得冇可能。」
