傅穎低胸谷書贏青霞5倍

昨日書展開鑼，不少o靚模紛紛「踩場」谷寫真銷量，但「肉量」不等於「銷量」，傅穎（Theresa）的新書不賣性感，仍得一班忠心粉絲支持，單日已大賣5千本，3百隻限量版Pigsa Figure亦於半小時內火速售罄！

自傳僅售千本

至於林青霞的自傳式新書《窗裏窗外》，除了獲伯樂兼台灣著名女作家瓊瑤寫序外，還大打親情牌邀三名愛女嘉倩、愛林及言愛撰文，加上講述「大美人」的光影半生及影壇軼事，但至截稿前僅售千本，輸足Theresa五倍，莫非「80後」只愛胸前「兩舊」，不愛懷舊？

Theresa獲「餅印」家姐現身支持。

粉絲送上玫瑰氹偶像開心。

而有傳青霞昨日會現身宣傳，天地圖書發言指沒有其事，青霞將於星期六亮相座談會，但不知道到時會否到書攤視察銷情。

林青霞的自傳僅賣得１千本，而她有可能於周六巡視書攤。	放大圖片	「美味天使」寫真冇人吼。

Theresa昨午3時舉行簽名會，但早於12時已派完籌，期間逾三百名粉絲吶喊及送上99朵玫瑰打氣，場面墟冚！其「餅印」律師家姐則以神秘嘉賓身份撐場。以低胸透視長裙加打底衫示人的她，不介意被嘲打扮「失色」：「唔打底太性感喇！（同o靚模冇得比？）同佢哋唔同路線。」

冇興趣睇o靚模

她揚言對o靚模寫真零興趣，亦不想替她們「體檢」：「唔使啦，我都唔知假係點樣！」對於內地拍賣網站出現「愛女」Pigsa的假貨，她希望不法商人勿知法犯法：「我都會叫歌迷唔好上當！（送書畀羅仲謙？）唔會！」

此外，許穎、趙碩之及趙哲妤等分別「微服出巡」，已轉任經理人的戴夢夢玩「快閃」。其中「美味天使」的寫真即使只賣＄20仍乏人問津，搶手度不及劇集《巾幗梟雄》與《宮心計》的DVD。

文：影視組