DaDa派甜頭 Jeana出線遊街

不少o靚模昨日親到書展踩場為寫真造勢，DaDa率領三位師妹鄧伊玲（Elaine）、鍾采羲（Iris）和林宜芝（Monna）踩入書展，其公司安排了十多名保鏢護航及開路，排場十足。她們更大派蜂蜜糖和蛋糕，有兩名龍友更爭食蛋糕。

寸死對頭「怪獸」

DaDa衣着明顯密實，強調為免影響書展故不會太性感驚引起混亂，影響到其他人。Elaine說她們本想扮變形金剛打救人：「最近有個人成日鬧人。（Jeana？）係。」DaDa曾跟Jeana隔空互寸，若果大家碰面可會吵架？DaDa說：「唔會，都係想幫下佢，我哋唔係打怪獸。（話你喺寫真內露鼻毛？）好無辜同無奈，我控制唔到，覺得幾好笑。啲相冇乜執過，鼻毛個個都有。如果露其他毛我就會唔開心。（Phoebe嗰啲？）係。」

趙碩之	DaDa（中）與一眾師妹到書展為寫真造勢。

另方面，Jeana與師妹余曉彤（Hidy）昨午在銅鑼灣鬧市舉行簽名會，Jeana乘坐人力車出場，Hidy則坐價值380萬港幣的林寶堅尼到場，兩女均低胸騷事業線，吸引廿多名fans排隊簽名，Jeana在場更吹肥皂泡及食雪條。對於不入書展，Jeana說：「呢度係自己場，唔使踩人哋場，可以舒舒服服同fans握手，費事造成不必要嘅混亂。」Hidy亦表示尊重貿發局的勸喻。

陳靜（右起）與鄧伊玲、鍾采羲派糖及蛋糕，粉絲爭住攞！	Jeana、Hidy唔入書展，在鬧市搞簽名會。	Jeana坐人力車在銅鑼灣出巡，揚言在「自己場」玩晒！她還表演食雪條及吹肥皂泡。

鬥銷量祝人好運

趙哲妤指Jeana經常行性感，質疑沒人會買她的寫真，Jeana說：「我本寫真仲性感，唔同嘅，電影係動畫，書係平面，fans可以一個人咁觸摸得到，我對寫真銷量好有信心。」其寫真被指銷情最理想，她自言幸運，亦祝其他女仔「有運行」。Phoebe指她搶閘賣銷量才會最好，其寫真一出就會贏她，對此Jeana回應道：「睇下點，佢咁鍾意吹水，留番畀佢吹，佢係吹水同學會。」至於有網站以$1賣Jeana的寫真，一分鐘已賣出一百本，反應甚好！

放大圖片	放大圖片	Jeana（左）與Hidy性感現身。

另外，趙碩之昨日到電台宣傳寫真集，自稱其寫真集在書展首日最好賣，還拉埋謝霆鋒「落水」：「今次推出第二本書，就好似謝霆鋒抱住Lucas去睇細仔Quintus咁。」但據統計，趙碩之的寫真首日賣出五千本，但比死敵Jeana少二百本。

對o靚模明目張膽踩書展場，書展主辦機構貿易發展局副總裁周啟良表示暫未收到有關o靚模投訴，雖然他得悉有o靚模入書展宣傳，鑑於她們行為克制未有造成混亂，故未有阻撓。至於有o靚模寫真尺度大膽，問到會否列為第二類不雅物品？他謂相信未到這程度。

文：名人組