馬國明劈冰山(目及)中楊怡

馬明、馬浚偉、唐詩詠等昨以無綫新劇《紫禁驚雷》的造型到商場宣傳，其中馬明自爆在劇中是個鹹濕親王，專淫人妻，他笑言：「係呀，唐詩詠係我老婆，但我鍾意人妻姚子羚。（現實都係吼人妻？）係呀，人妻都幾好，不過係欣賞啫，好嘢通常都畀人揀咗。（有冇邊啲唔係人妻嘅吼吓？）呢排吼緊楊怡。（楊怡好Cool喎？）我喜歡將冰山劈開。（佢好似有個燈王男友？）傳完啦！」看來馬明對女同事的感情狀況相當了解。

客串貪好玩

在劇中，馬明跟馬浚偉兩位男主角爭做皇帝，現實中馬明不時客串其他劇集，戲份不太重，他笑言：「係咪主角唔係太重要。（你好爛做？）我通常客串嘅角色都好好玩，咁要搵錢呢，我發錢寒呀！冇錢邊夠人搶女呀。」

馬浚偉與馬國明於劇中為爭奪帝位而拚個你死我活。

眾演員現身宣傳，氣氛熱鬧。

此外，唐詩詠跟馬明合照時雖見對方汗流滿面，但不肯為他抹汗，她笑言：「我只幫我鍾意嘅人抹咋。」不過及後還是出手相助，證明馬明女同事緣甚佳。

文：影視組