霆鋒為善最Chok親子60分鐘
霆鋒閉關幾日後，昨日首度在港出席公開活動，記者會上霆鋒一顯「Chok神」本色，由木無表情憂鬱look到180度晒笑容，明顯心情不錯，更殺上陽明山莊探望兒子，來個60分鐘「親子樂」。
閉關五日的霆鋒昨日醒神出關三小時，今次是繼北京出席電影宣傳後，霆鋒回港出席的首個公開活動，他以「善學彩虹弱視工程慈善大使」身份出現，雖然霆鋒事前表明不接受訪問，仍吸引大批傳媒到場。約下午二時許戴上黑超的霆鋒離開金鐘的柏舍住所前往銅鑼灣出席記招，他到達酒店停車場已有多名保安及警員「候駕」，酒店方面更即時拉上停車場大閘以防混亂。
畀影相不准訪問
霆鋒剪了短髮，身穿恤衫牛仔褲，手上脫去婚戒，有「Chok神」之稱的霆鋒起初一臉憂鬱，坐定後心情變得輕鬆，不時Chok出笑容，當主辦人趙曾學韞讚他紅到發紫，霆鋒亦笑了一笑，她叫霆鋒為活動作個口號及作歌時，霆鋒亦只以笑回應。霆鋒未有提及家事只說：「開心出席有意義活動，其實慈善就喺面前，睇你有冇真正把握同珍惜，面對弱視，佢唔係難治嘅病，但係要同時間比賽，希望大家幫助下一代兒童，等佢哋重拾光明。」雖然霆鋒不受訪，仍合作企定定讓傳媒影完相才離去。
父子短聚一粒鐘
趙曾學韞說幾個月前聯絡霆鋒出席活動，他爽快答應：「我覺得霆鋒心情同平時冇大分別，只係瘦了點。（有問佢家事？）有透過助手同佢講，最好兩人可以一齊，否則就要和諧處理，對小朋友都好啲。」
已多天未有見兩名愛兒的霆鋒，記者會後便乘七人車直駛陽明山莊探Lucas及Quintus，三父子短聚了一小時霆鋒便返回柏舍。另方面，謝賢日前接受電台訪問，講到子女感情事，他說開心就可以，離離合合沒有大不了。並謂相處之道雙方都有責任，不能期望一個女人會愛你一世，愛情是短暫，要靠雙方努力去維持。
文：音樂組