Annie G.師姐踩多腳：小心畀人打

為搶銷量，一眾寫真o靚模鬥嘴、踩場、簽名會、送大禮等施展渾身解數，犯眾憎的寸嘴o靚模Jeana終被其他o靚模圍攻，同門師姐Annie G.已脫模轉型打碟ＤＪ，昨日她在時裝活動中表演打碟。

許穎想摸假嘢

對Jeana口出狂言，今年不出寫真的Annie G.句句有骨說：「太多假嘢，唔係假就係墮！我鍾意天然，Hidy就幾好。（Jeana呢？）我唔鍾意石頭，太恐怖。（佢太寸？）要教下佢，驚佢得罪人畀人打！」

潮人葛民輝御用女模Phoebe（許穎），昨在另一活動毫不留情踩Jeana「唔太討人喜歡」，及暗寸她不倒胸造假，Phoebe說：「未摸過，但好異常，瞓喺度應該郁，但佢冇。（驗佢個胸？）未掂過假嘢，都想摸。（互驗？）搵第三者做好啲。」

Annie G.話Jeana咁寸嘴，驚佢畀人打。

許穎暗寸Jeana不倒胸造假，話想摸吓假胸。

打低所有o靚模

雖然萬箭穿心，Jeana一於少理，昨日與余曉彤（Hidy）齊踩入旺角的書店為寫真造勢，在書店櫥窗貼海報又搬寫真集上架，有男粉絲圍埋睇熱鬧。期間有女粉絲一口氣訂購她們各廿本寫真集，令Jeana和Hidy非常驚喜，更與對方簽名和合照。Jeana說一直以為寫真只有男仔捧場，未料有女仔鍾意，好開心。她說與Hidy不同路線，不會對立，她最想打低誰？Jeana即說：「個個都要打低。（林青霞呢？）我嘅目標只係出寫真集嘅女仔，佢係女神！」而Hidy則說出寫真是宣傳途徑，最近她到內地拍戲做打女，開拓新市場。

Jeana

Jeana（左）與Hidy昨日到書局為寫真集造勢。

文：專案組