高海寧冧李晉強硬食檸檬
無綫咪神高海寧咪震四方，但卻一直苦無男友，昨日她卻公開對出爐香港先生李晉強表示「傾慕」，並八卦不知對方有否女友。不過李晉強坦言已有心上人大派檸檬，更表明態度：「而我不知道高海寧是誰」！
高海寧及混血名模Alice B.昨日大騷事業線出席《荃灣廣場「忍青」祭》並大談愛情觀。高海寧說想婚後立刻生仔，承認這個想法曾嚇怕以前的男友外，更言自己工作很忙，很擔心找不到男友，但不會叫朋友介紹只靠自己。
一早已經鍾意佢
不過，當提到剛出爐的香港先生李晉強時，有份出席選舉的高海寧即換了冧樣，衝口而出的說：「我一早已經鍾意佢！好鍾意佢笑容，好陽光好甜，佢咩都唔使做淨係對住我哋笑就已經好好！」會否考慮對方做男友時？高海寧即「縮沙」：「只見過一次，佢外表都OK，但性格未知，唔知佢有冇女朋友呢？（搵佢問吓？）等佢喺加拿大返嚟先！（你咁清楚佢背景？）尋晚身邊所有人都揀佢，睇到好開心。」
雖然高海寧高度讚揚，可能李晉強自小在加拿大長大的關係，卻說不知道對方是誰，反問對方是否鄭裕玲！當記者轉達高海寧的「傾慕」時，他禮貌的說：「咁希望佢快啲搵到男朋友啦！（你有女友所以請佢食檸檬？）其實我已經有一個鍾意嘅人，但未開始。」他續說完成餘下的一年課程才回港發展。
而同場的Alice說17歲時曾跟靚仔DJ拍拖，但對方只想有性冇愛，更指對方愛大胸女，但自己從來冇想過因此而隆胸。
蕭家浩遺失獎品
另外，得到「iMR大獎」的蕭家浩大意的把獎座及手錶等獎品遺留在電視城，幸好五千元的獎金支票跟身，昨日他返電視城遍尋不果，致電「最具演藝潛能大獎」的黃建東五次傾訴後，更偕同工展小姐黃穎君出外吃雪糕慶祝得獎。無綫外事部副總監曾醒明表示未收到蕭家浩遺失獎座及獎品一事，但會跟有關部門了解，更言應不會補發獎座。
文：名人組