Jeana自摑嘴巴剝衫會墮
以寸嘴出位的o靚模何佩瑜（Jeana），昨日設下擂台挑戰其他o靚模，但只有同公司的余曉彤應戰，Jeana繼續發揮唔收口本色，指其他o靚模做就無能為力。另外，自言雙峰堅挺的她終於自揭謊言，表示全裸或睡覺時也有倒下時。
寸嘴o靚模Jeana貫徹其作風，昨日假銅鑼灣食肆擺下「寫真英雌擂台」廣邀o靚模應戰，可惜未獲任何o靚模理會，只有同公司的余曉彤（Hidy）撐場。
Jeana身穿低胸Tube Top襯Boxer短褲，露半球又露腿，身材輸蝕的Hidy同樣以低胸及短褲上陣。二人先玩拗手瓜，雖然Jeana玩到將巨胸擺上枱兼茅招盡出，但仍不敵Hidy，最後Jeana要飲加料梳打作懲罰，之後Hidy又把忌廉抹在Jeana咪咪上，惹人遐想。
寸嘴有軍師教路
Jeana對於未有其他o靚模到場表示失望，她繼續辣火頭說：「佢哋只係得把口，平時又講到自己有幾勁，講就天下無敵，做就無能為力，唔好再同海龜玩遊戲喇！佢哋真係冇乜戰鬥心。唔係驚咗我啩！」問她最想與誰對打時？Jeana死咬趙碩之不放，曾公開指對方墮胸的Jeana直言：「最想同墮胸嗰啲。（你指趙碩之？）唔係得佢一個，大家估吓。（你對墮胸o靚模情有獨鍾？）我唔鍾意墮，我建議佢哋做多啲Treatment同托好啲，我自己好Firm。」至於Hidy對Jeana所言大表認同，指其他o靚模得把口。
不過，當記者指她的不倒胸被質疑假胸時，她即自打嘴巴說：「我唔着衫同瞓覺時都會倒。」Jeana表示今次擂台戰並無惡意，只想與其他o靚模交流心得，她又否認辣興大家：「呢行係不停有挑戰，冇挑戰就好悶，佢哋有呢個挑戰者應該好開心，逼到佢哋進步。我唔會食咗佢哋。」向來寸嘴的Jeana在訪問期間，不時口窒窒，甚至要公司同事提水，似乎其寸嘴言論全靠他人背後教路。
單獨與粉絲相處
另外，Jeana將會以海陸空方式宣傳寫真集，首先於本月20日假銅鑼灣舉行簽名會。她又會與粉絲在網上玩遊戲，被抽中的幸運兒，有機會在簽名會當日與她單對單共處兩小時，Jeana更會完成粉絲的要求。
採訪：名人組