陳嘉桓愛豬膽鼻拒整容
電影《哈利波特－死神的聖物2》前晚舉行首映，場內雖然不乏o靚模，不過當中以陳嘉桓的透視裝最為搶鏡，而對於有指她整容，她就力證自己無添加！話自己有個有福氣的豬膽鼻，無理由要整走！
《哈利波特－死神的聖物2》首映前晚隆重舉行，不少藝人如莊思敏、楊愛瑾、趙碩之、黎耀祥等都紛紛出席。陳嘉桓以透視裝出席，問到這可是她的底線？她表示之前都曾以泳裝拍攝廣告，底線由公司決定。對於近日有雜誌指她整容，她否認傳聞說：「多謝大家留意。啲舊相入面嘅我得十四歲，話我有豬膽鼻，如果有豬膽鼻係代表有福氣，我點會整走！同埋我07年時唔靚嘅話一早就整，唔使等到依家。」現時有做運動的她將以前的baby fat減去令輪廓更深，她又滿意自己的五官，覺得無需要整容。
莊思敏訓示阿妹
莊思敏表示對於細妹莊思華近日是非纏身，她指畢竟對方已是成人，她說：「我成日飛嚟飛去成日唔喺香港，不過都有訓示佢，叫佢少啲蒲。我架車最近爆咗胎，兩個妹都認有揸過，不過無人認邊個整爆胎。」
另外，黎耀祥透露自己想與家人到日本旅行，但適逢東京有餘震，故或改與兒子留港食日本菜補數。不過自己其實想去歐洲，但老婆又未能適應長途機。
文：影視組