霆鋒否認六百萬贍養費

「鋒芝危情」已進入離婚條件拉鋸戰,謝霆鋒將談判任務交由律師處理,身為父親的他,只想兒子Lucas和Quintus不受傷害,能夠健康快樂地成長,霆鋒從馬來西亞返港後,雖忙於拍廣告和返PO製作公司處理事務,但無論怎樣忙,他都幾次到陽明山莊探望愛兒,讓他們感受到雖然父母分開了,但永遠不會失去父愛。

昨午霆鋒亦如常返PO處理工作,戴黑超、穿黑tee的他繼續踢拖出巡,問是否要開工?心情不錯的霆鋒笑笑口說:「我返公司。」約1小時後,霆鋒離開公司,步行2分鐘往善樂施大廈,沿途被大批記者追訪,他終開金口否認某雜誌對張栢芝苛索贍養費的報道,鋒芝雖然緣盡,但一夜夫妻百日恩,霆鋒仍肯開口為栢芝辯護,盡顯風度。

對於雜誌指栢芝獅子開大口要每月六百萬贍養費?霆鋒開腔維護仍是老婆的栢芝:「唔係,唔好亂講。」報道更指栢芝每月只准霆鋒見一次囝囝?霆鋒否認:「冇啲咁事。」至於栢芝計劃出自傳,內容還會牽涉他,霆鋒平淡說:「我冇睇娛樂報紙,唔知道,冇擔心過佢寫乜,我唔理呢啲。」問跟栢芝是否有共識?他說:「唔講得住。」問這幾天會否陪囝囝?霆鋒笑而不答。

此外,導演許鞍華昨午亦出現霆鋒的PO公司,她指是來做電影後期,問有冇見到霆鋒?許鞍華說:「有。(佢有冇唔開心)冇。」