周秀娜齋睇唔買明恰Jeana

【龔凱欣澳門直擊】昨日周秀娜到澳門舉行的「第4屆電腦及數碼產品展暨第3屆家居博覽」擔任開幕嘉賓,並先後換上泰山裝及短裙現身,被大會譽為IT女神。

今年棄出寫真集的娜姐,雖自言書展期間身在馬來西亞拍戲,但會推出apps讓fans可玩遊戲及下載其最新的比堅尼水着照。

問到是否認為已「升呢」不用跟其他o靚模鬥出寫真?自言非靠推出apps突圍的娜姐說:「我都想每年都出寫真,但係今年冇新idea,之前寫真集反應好,好賺錢,不過出apps方便過出書,下載之後又可以日日見到我。(不屑同o靚模鬥?)唔係,我知今年係好多人出,我公司嘅女仔都有。」

捧師妹Hidy場

今年娜姐師妹余曉彤(Hidy)以1600元的終極豪華版寫真送平板電腦來作噱頭,娜姐直言已向公司訂購。對於早前明寸娜姐是前輩而傳出不和的「血管胸」何佩瑜(Jeana)也出寫真,擺明支持Hidy的娜姐說:「冇大細超,大細胸就有,Jeana嗰本可以返公司攞,Hidy嗰本係限量版,物以罕為貴,我都想買電腦畀父母,我係怕Hidy嗰本買唔到。」