(3)許亦妮蜂胸抗咪神
【葉少文廣州直擊】14位候選港姐昨日再穿比堅尼胸襲廣州，吸引酒店住客在露台偷瞄。早前缺席長隆活動的(10)李天縱「咪神歸位」，加上(13)蔡慧欣步步進「Big」，嚇得風頭躉(3)許亦妮急急使出一招「胸誘狂蜂」，成功扳回一城！
14位候選港姐昨日出發到廣州，競逐「旅遊大使」獎，更狂晒比堅尼，個個屢創高「峰」，難怪引來酒店住客偷望。其中(1)甄敏婷比堅尼Top移位，而(4)林慧倩玉背更驚現疤痕，但都不及合照時有蜜蜂停在胸前的許亦妮搶鏡。曾揚言要減肥的許亦妮，依然狂縮肚現肋骨，並死撐已瘦了數磅，問到上圍有否縮水？她竟說：「呢個係秘密！嗯……其實冇度過。（搵到咩偏方縮肋骨？）你搵到話我知啦！」
她又透露將於才藝表演獻唱中文歌，並自認歌聲「平均」：「我都有諗過表演書法同下廚，但大會覺得唱歌適合啲！」
蔡慧欣緊張病復發
至於李天縱解釋早前因身在北京的婆婆病危才缺席長隆活動，幸對方目前已脫離危險期。她又透露靠經常以廣東話與其他佳麗溝通，故說話技巧大有改善；而(13)蔡慧欣「緊張病」復發，不時皺眉兼捽手：「唔係驚，係驚你哋啲問題啫！」自爆最近棄升降機行樓梯減肥的她，被問到住幾樓時，她竟說：「一樓！」
此外，早前先拔頭籌的(5)朱晨麗身形最平均，但謙稱並非冠軍在望，並表示全靠媽咪靚湯及男友愛的短訊支持：「希望再瘦啲，但胸就唔好再細！仲有一排先比賽，到時先知係咪去到巔峰！」
文：影視組