李家鼎：辣興我佢就富貴
楊思琦受訪時表示為李家出錢出力，令舊愛李泳豪父親李家鼎再次「興過辣雞」，聲言對方「擘大眼講大話」！提到思琦表示與李家唔夾，鼎爺說：「咁又唔搬出去？我有問過佢，當時佢冇反應，依家又講咁多嘢，當我低B！」他又狂數往事力證自己有記性：「佢有請我食嘢！有幾次，六十一個半一餐飯，十六個半買雜物同一包煙，最貴係七百幾蚊多謝我教功夫，不過佢同我學騎馬都冇交學費啦！為咗幫佢搭狗屋，我仲畀人抄兩次牌，都冇同佢計！」
對於思琦表示兩家人沒有傾過婚事，鼎爺再次激動：「佢仲話阿媽要求擺幾多圍酒！（見過佢父母？）見過佢阿媽四次，佢阿爸一次，2002年！」對於思琦的感覺，鼎爺說：「佢最叻，我打滾幾十年都畀佢呃咗！不過，唔好辣興我，唔係佢就富貴。」