拉姑赴星洲睇東方收「鋒」
本報昨午獨家拍得狄波拉（拉姑）及其丈夫鬍鬚Kong現身機場，正準備前往新加坡，全程笑面迎人的拉姑心情靚爆，她表示未有留意前日霆鋒返港與栢芝見面談判的報道，還對記者笑說：「你又唔醒份我睇？」繼而反問報道好壞，隨後記者為拉姑遞上報紙，她邊看邊扁嘴說：「可能唔係你哋想像咁呢，唔會嘅，（你自己點睇？）唔知點講，有嘅，有得解決嘅，（應更理智處理？）梗有可能嘅，大家都係……畀啲時間佢哋兩夫妻傾吓偈啦。」
另外，拉姑表示霆鋒回港後有致電給她但未有見面，提到兩名愛孫，拉姑就表示掛心：「我自從4月到依家都未見過兩個孫，（掛住佢哋？）掛到心都爛埋。」拉姑又言細孫Quintus不會不認得霆鋒，入閘前還回頭對記者說：「快啲支持下佢哋啦，好唔好呀？」