高海寧Big爆撐港男

前晚11位候選港男出席荷里活廣場活動，最搶鏡的卻是高海寧、楊秀惠及朱慧敏三位女嘉賓，當中高海寧以谷胸Big爆裝扮登場，每行一步都甚有動感，引得全場龍友及市民紛紛狂影，她說：「因為港男需要靚女配襯吖嘛！我決賽當晚都準備好戰衣喇！（突破？）都係靚，再突破就要比堅尼喇！」

朱慧敏自認筍盤

楊秀惠亦穿Deep V裝鬥性感，她表示因最近消瘦不少，連帶上圍亦跌Cup，無奈地掉棄不少Bra，她說：「驚胸細咗會下垂，要做多啲護理！（有冇請教高海寧？）有呀！佢好挺！佢有教我按摩、適當運動同搽Cream！」她表示前晚所戴的Bra有特別效果，可將胸形集中向前，更自爆收藏了不少內衣應付各種場合。

朱慧敏則謂不喜歡男士太大隻，並表示曾游說男友參賽：「佢身形又Fit又識多國語言！不過佢拒絕我！（想同佢結婚？）有架！但要過多幾年先。（驚筍盤畀人搶走？）我都係筍盤，佢都驚我畀人搶，總之依家好好！」

楊秀惠跌Cup，笑稱要掉咗啲Bra。

朱慧敏拍埋高海寧，明顯失色。

鬥書法小學程度

前晚11位港男以毛筆寫書法鬥文才，可是字體皆不濟，程度猶如小學生一樣！大熱港男(1)蕭家浩表示最近壓力大而消瘦，問到會否驚冇晒肌肉？他說：「唔驚輸蝕，希望唔好再瘦就OK，依家Keep住放鬆，當係一場騷。」

文：影視組