鋒芝遇婚變，有傳兩子Lucas和Quintus被帶去泰國，黃國桐律師說：「小朋友有獨立證件，唔一定要跟父母出入境，但如果父母正準備搞離婚，帶小朋友出國前最好先得到另一方同意，以免搞到要出禁制令啦！」對於鋒芝昨晚單獨見面，黃律師說：「佢哋要傾：一、離婚理由？是否雙方協議？如果係，咁就一齊申請，大約三個月至半年完成。二、撫養權，佢哋為兩個仔做計劃，供書教學和照顧嘅安排，如果計劃不合情理，就要由個官判。三、贍養費，除咗每個月嘅贍養費數目，另會否有一筆錢用嚟安頓母子？四、分配共同擁有的物業或物件。」黃律師又稱：「婚姻出現問題嘅夫婦單對單見面係好事，可以深入傾清楚雙方嘅問題，再見亦係緣分，好多時咁樣見面後有彎轉。」