林二汶迷失同性之愛
暫作獨立發展的at17成員林二汶，今年再演舞台劇，與黃雪文演繹兩個女生迷失於同性愛的故事。二汶笑說：「我肯定有啲中性魅力，如果唔係佢唔會搵我演，故事講兩個女仔唔知之間嘅關係係友情定愛情，對自己嘅性取向有掙扎，相信喺好多女仔身上發生過。」
兩人中學雖然讀男女校，但直認有類似經歷。雪文透露劇中有送內褲情節，但只屬前菜一碟，問到與二汶合作淵源，她形容為「天時地利人和」：「係因為一峰認識佢，之前睇過佢做戲，好鬼馬好吸引。」《姊宮樂園》下周正式上演，二汶與雪文正積極排練，集編、導、監、演於一身的雪文說：「我哋彼此有好大空間去創作，就好似用唔同冷針去織同一條頸巾，但慢慢好自然咁坐埋一齊織咁。」