樂隊Kolor將於七月廿三至廿四日假西灣河協青社青年中心舉行演唱會，盧巧音男友兼Kolor主音Sammy（圖中）表示演唱會製作費達十五萬，幸得有心人借錢支持。
Sammy自言最近大感受重視，除新歌《費城實驗》得各大電台熱播外，連無綫亦掟本為他們拍MV，Sammy表示：「我哋初時諗住只拍廠景，但點知仲有外景拍，而且導演拍得好有心機，係用好貴嘅光纖做道具，全體工作人員超時工作，佢哋都冇詐型。」Sammy表示：「我覺得Kolor終於有運行。」
問Sammy可覺得因四大唱片和無綫鬧翻，故令他們得益？Sammy也承認有關係，他說：「所謂亂世出英雄，呢個係千古不變嘅定理，不過Kolor係會努力去做，無綫同四大嘅問題，我哋冇資格去評論。」
