王子涵拒靠父蔭打出頭
導演王晶的寶貝女王子涵（Ada）日前接受訪問，她透露有意於大學畢業後，在娛樂圈發展，難得雙親也大力支持，Ada也笑謂：「依家女大女世界。」她更謂不靠父蔭，靠自己實力殺出重圍，更有意向打女路線發展。
剛21歲的王子涵，目前仍在英國就讀大學，早前她趁着暑假返港找暑期工，Ada表示現時主修化妝及髮型形象設計，問到畢業後會否正式加入娛樂圈？Ada說：「之前我都試過拍戲，當然有興趣喺娛樂圈發展，爹哋媽咪都冇話唔畀入呢行，佢哋好支持我，女大女世界嘛，不過我對好多範疇有興趣，除了娛樂圈外，對PR工作都有興趣。」
不斷增值自己
爺爺王天林和父親王晶同是資深出色電影人，問身為演藝家族的Ada，會否感壓力？她說：「爺爺同爹哋都咁出色，都會有壓力，所以我要不斷增值自己。（不靠父蔭？）爹哋都係靠自己實力。（叫爹哋搭路開戲？）佢係一個導演，同時亦係商人，自己由頭做起仲好。（想演乜嘢角色？）女殭屍、特務、打女都OK。」
底線着比堅尼
近年娛樂圈性感風氣大行其道，問到Ada有何看法？她說：「依家娛樂圈有個趨勢係要性感，對我嚟講少許健康性感係冇問題，自己都接受到，比堅尼係底線，反而內衣就唔得。」
採訪：戶冊平
攝影：吳文聰
髮型：Casei Komi@Hair R
化妝：Zico Leung
場地：gi