MVG四女賣聲唔賣「線」
當全世界湧去谷行事業線出寫真的同時，全新女子組合MVG決定以健康形象唱歌跳舞，MVG代表Most Valuable Group，希望努力、積極工作，用正能量去感染別人。
組合由Annabelle、Jess、Sherry跟Toby所組成，四女原本都各有模特兒工作，為唱歌跳舞的興趣而聚在一起，Sherry說：「我哋每個人性格都唔一樣，不過合埋一齊就好有化學作用，感情好好，一齊練歌分享，連跳舞拉筋都一齊尖叫嗌痛！」
MVG暑假將推出首張EP，書展將至她們不會順勢推出寫真集，Annabelle說會以音樂為先，唱歌出碟，寫真要看公司決定：「性感唔介意，不過我哋想行型格路線、健康啲！」她鍾意整甜品，有意出食譜晒廚藝，Sherry則愛教人化妝扮靚，Jess笑稱是人肉搜尋器，可以帶大家周圍搵「食」，Toby家人務農維生，可以介紹有機種植，響應環保。