鄧芷茵有HotCha傍住舞定晒
與港日組合「J-Twins」完成計劃後，去年開始單飛發展的歌手鄧芷茵（June），日前出席校園活動，提到她的舊隊友日本歌手阿Jay，她說：「之前日本地震，佢哋成個internet down咗，我想搵佢都搵唔到，好彩最後佢都同我聯絡到，係平安無事。」
問到她的最新動向，她說：「嚟緊會有一個英文歌舞劇，會同HotCha、吳日言合作，因為全英文、又要跳舞、唱live，所以對我嚟講都係一個新挑戰，由於我比較少跳舞，所以有HotCha一齊個心都定啲！」
而她亦不忘向記者推薦師姐吳日言的新書，她說：「佢書展會出本關於狗仔美容嘅書，佢為咗狗仔美容，仲特別去讀咗個course，好專業！而我自己最近都物色緊新歌，準備出碟。」