范振鋒何紫綸啱key密密傾
電台主持范振鋒（Ricky）與同門師弟妹何紫綸（Ann）、譚晴、小龍、梁健衡（Chris）和擁四分之一俄羅斯血統的混血模特兒Jeremy經常走在一起，身為大師兄的Ricky更讚Ann絕不「港女」，經常互訴心事。
Ricky除了做電台DJ外，最近簽新經理人公司準備再出唱片，更替同門師弟妹擔任唱片監製，Ricky說：「幫譚晴錄音嘅時候發覺佢好肯聽人意見，進步得好快，呢個年代啲後生仔嚟講佢態度算好好。」
其他人則大爆眾人經常一齊唱K玩到癲，與譚晴一齊參加比賽的Chris笑說﹕「我哋成班人狂點譚晴首新歌、狂笑，仲衝上去爭住唱，一齊跳舞，好開心﹗」又指譚晴錄碟期間懶神秘，收埋唔畀其他人聽，搞到個個都心急聽他的作品。
而Ann跟譚晴早於五年前已經相識，她說﹕「當時我哋同一間模特兒經理人公司，都有間唔中介紹工作畀對方，但後來譚晴去咗英國就冇咗聯絡，直至喺比賽見番，又再簽同一間公司，我哋真係好有緣﹗」
獨立自主開校授徒
有緣的不止於Ann和譚晴，Ricky跟小龍更有「親戚」關係，Ricky說﹕「小龍係我哥哥嘅契仔，我係契叔！小龍反應快，每次出去玩有佢喺度好開心，佢搞氣氛一流﹗」此時，小龍即大騷普通話，充當Jeremy的翻譯，小龍說：「我覺得Jeremy個style都幾似日本人瘦瘦高高，個樣又mix mix地。」大家都笑說Jeremy的混血樣好似棒棒堂的風格。
另外，阿范後又笑言︰「我細細個就開始睇Ann做model﹗」更透露大家經常互訴心事，又大讚開設儀態學校授徒的她絕不「港女」，獨立自主。
場地﹕I-Sky Interior Design
髮型﹕Nick @ HH
化妝﹕Mark @ Markmakeup
文：專案組