胡美儀轉型玩搖滾

胡美儀早前簽約新經理人公司，成為首位加盟「風行娛樂有限公司」的藝人，身為一姐的她備受全面照顧，但她笑言新公司已為她推了十多個Show：「經理人唔幫我搵錢，幫我推Job，其實因為公司想我每個演出都最精，要考慮埋邀請機構嘅形象，合唔合乎我嘅健康形象，好高興公司同我嘅理念相同。」

孜孜不倦學唱歌

唱功紮實的Amy孜孜不倦，現時仍有請老師教唱歌，除傳統粵曲外，她亦想拓展其他音樂路向，今年的母親節首作新嘗試，在曲詞改編的《媽媽好》中玩搖滾風格，感覺良好：「我哋印咗一萬張送畀小學同幼稚園，大家都話我歌路唔同咗，有啲兩歲幾嘅小朋友要聽幾次先瞓得着，估唔到咁有效果！」

練歌老公皺眉頭

Amy早前為婦女會唱主題曲，大爆在家練歌時的趣事：「毛Sir（老公毛俊輝）喺工作間聽到我唱，皺眉問『係咪咁唱o架？』我話練緊嘛。聲音同歌唱領域好大，要不斷學習，尤其開騷一晚要唱好多唔同類型嘅音樂，一定要好熟悉自己嘅聲音。」

髮型：哈佛增髮技術中心

場地：拉斐特

文、攝：專案組