譚凱琪打橫行炒車存陰影
有線主播譚凱琪（Zoie）享受周遊列國，但提到駕車遊時便耍手擰頭，原來當年還是「新牌仔」的Zoie連Cut三條線兼炒車，嚇到她仍存陰影，連朋友都不敢讓她「上路」！
譚凱琪早前與陳啟泰赴新西蘭拍攝新旅遊節目，兩人駕車即興覓新奇好玩景點，Zoie坦言為了可以互相照顧，故意在出發前去找師傅惡補駕駛技術，她說：「雖然我有車牌，但係當年啱啱考到牌，就因為連Cut三條線喺紅隧口撞車，搞到我之後都唔敢揸！今次專登攞晒國際牌，但係大家都唔敢畀我揸。」
性格變開朗
Zoie直言每次坐上駕駛位便心煩氣躁兼無故緊張，故只可以在鏡頭前扮開車，而自幼喜歡刺激的她，今次亦有機會大玩特玩，坦言完全享受到做主持人的好處，Zoie說：「做主持人仲令我性格都變咗，變得更加主動，更鍾意同人傾偈。」
拍劇遇知音
除主持之外，Zoie最近亦有機會拍攝劇集《親密損友》，Zoie說：「我已經有四年冇拍過劇，到依家都好記得第一次喺北京拍劇嘅感覺，雖然最後部劇都冇機會上過，但同劇組台前幕後都建立咗好深嘅友誼，真係好懷念呢種感覺，希望有多啲機會拍劇，最好有部自己嘅代表作，做藝人就係咁啦，愈多表演機會愈好。」
場地：L16 CAFE & BAR香港公園
文：影視組