憶蓮開騷變債仔
林憶蓮前晚出席藝術展揭幕禮，全黑色打扮的她，胸口以上位置see through，低調地性感。看似纖瘦了不少的她笑言：「都係咁上下，我一向都有keep fit、做運動同注意飲食。」
有指她的三場演唱會，內部門票認購已爆滿。她回應：「我都有聽過，不過加場嘅可能性唔大。本來諗住開四場，問紅館拎十日期，但係佢哋覆番我話『開四場畀八日你就OK』。我都唔明點解紅館會幫我安排幾日時間綵排！真係唔能夠接受！」她無奈地表示幕後製作及綵排要花很多時間，故必須找別的場地綵排。她表示尚未決定會否加開part 2，滿身飛債的她笑言：「我記得有邊個要飛，就會寫低佢，希望冇漏啦！（怕唔怕炒飛？）吓？香港有嘅咩？我唔知，都控制唔到。」